رد: لعبه الاشعا ت

من طرف lola الإثنين ديسمبر 29, 2008 8:56 pm

دا انا برضوا
عموما انا سمعت انك بتذاكر كويس وقفلت كل المواد الى هاتمتحنها وقاعد فاضيييييييى يا بختك

من طرف **bluewild dragon** الثلاثاء ديسمبر 30, 2008 2:52 pm

يا ناس ياشر كفايه قر
هههههههههههههههه
مهما قلتى محدش هيصدقك لانهم عارفنى كويس

بس يا لولا بطلى اسقاط دة انت الى ما بتقوميش من على الكتاب الى عند
الضرورة الفوق القصوى

من طرف **Mody** الثلاثاء ديسمبر 30, 2008 7:28 pm

دراحون ما تهيس

انت مدي الباس وورد بتاعك لصحابك وهما بيبوظوا المنتدى؟؟

كنت غفاكر انك مبتديش حاجة لحد بالساهل بس يالا

من طرف **bluewild dragon** الثلاثاء ديسمبر 30, 2008 10:58 pm

عيب عليك يا مودى نا اعمل كدة بردة
هو علشان بتدى الباس ورد بتاعك لحسين يظبطك فى المنتدى افتكرت الناس كلها زيك

من طرف **Mody** الثلاثاء ديسمبر 30, 2008 11:25 pm

اشاعه و ان كنت ما انكرش اني أعملها

لأن ده أخويا و ميعملش حاجة غلط تخللي حد يزعل مني

وانا أستأمنه عالغالي قبل الرخيص مجتش على باس وورد واخيرا فالراجل مسافر انت مالك وماله؟

بس ليه يا دراجون اللي بيحصلك اليومين دول ده؟؟

كل شوية اشوفك في الشارع مثبت العيال عندكوا و عمال تضربهم وعايش فيها جاكي شان

ربنا يديك الصحة

بس متفتريش عالغلابة دول
أتشطر على واحد من سنك

من طرف lola الأربعاء ديسمبر 31, 2008 12:59 am

بس يا لولا بطلى اسقاط دة انت الى ما بتقوميش من على الكتاب الى عند
الضرورة الفوق القصوى

يا ريت يا دراجون دا انا عندى برد مزمن وداخل على اسبوع ومخلينى فى حالة يرثى لها من التهيس وعدم التركيز دعواتكم ليا
لانى بجد محتاجاها اوى .
وبعدين مش عيب عليك تعمل الى بيقول عليه مودى ده وتضرب الاولاد الصغيرين ,لا بصراحة اتصدمت ,بطل افترا .

بس انت كمان يا مودى بيقال عنك اوشاعات انك عايش فى دور الشر المطلق وبتتخانق مع كل الى يقابلك ومعور نص البنى ادمين الى فى الشارع الى انت ساكن فيه .

من طرف **Mody** الأربعاء ديسمبر 31, 2008 10:52 am

البينة على من ادعى و اليمين على من أنكر

انا اساسا مبشوفش جيراني من أول الدراسة الا فيما ندر

مظلـــــــووووووووووووووووووووووم
مظلـــــــــــــــــــــووووووووووووووووم

و قد أورد مراسلنا من مقر الحك الذي سيطرت عليه لولا بقوة السلاح ان لولا عقدت اتفاقيات مع عدة مطاعم لتوريد الوجبات الجاهزة لبيتها لأنها جابت أخرها من عمل الأكل وكل مرة ـــــــــــــــــــــــ

من طرف lola الأربعاء ديسمبر 31, 2008 3:41 pm

مين دى الى جابت اخرها يا مودى Suspect

ليلتك مش معدية Evil or Very Mad

بس انت يا مودى الى بيشاع عنك ان شعرك وقع وبتحط باروكه على راسك (عشان البرستيج يعنى) Twisted Evil

من طرف **Mody** الأربعاء ديسمبر 31, 2008 4:00 pm

بعد الشر يا لولا

جهزي نفسك للشنق انتي مش هتشوفي 2009

صحيح يا لولا ان محكمة الاستئناف قضت بحكمها انك مذنبة و اعترفت انك قتلتي

4 ذبابات

يا مفترية

من طرف lola الأربعاء ديسمبر 31, 2008 4:13 pm

قتلت 4 بنى ادمين Twisted Evil

مش ذبابات وشكلهم هايبقوا خمسة يا مودى , فى حاجة scratch

الحق نفسك يا مودى و استخبى عشان فى اوشاعة انك مطارد من سفاح مجهول (بس انا طبعا عارفاه)وناوى يخلص عليك قبل المغرب. Twisted Evil

من طرف **Mody** الأربعاء ديسمبر 31, 2008 4:19 pm

نياههههههههههههههههههههههههههههههههههههههههههها

مطارد ((اسم فاعل مش مفعول ))

الله يرحم السفاح ده مقدما لأنه قبل المغرب هيكون في الحلمبظيت

انا سمعت ان لولا فشلت جميع محاولاتها لأعداد تورتة ليلة رأس السنة

شكلنا هنقضيها ديليفري

من طرف lola الأربعاء ديسمبر 31, 2008 4:32 pm

مش هاتفرق كتير انا بحب اعملها فى البيت عشان اخواتى بيفرحوا لما بيتفرجوا عليها وهى بتتعمل Rolling Eyes

والاشاعة الجديدة بتقول ان مودى مازال مطارد والسفاح مصمم يخلص عليه ومش هايرتاح الا لما يلاقيه ويموته . :twisted:

من طرف **Mody** الأربعاء ديسمبر 31, 2008 4:37 pm

للأسف السفاح ده أعلن انسحابه الرسمي بعد أول قلم على وشه

يعيني لو شفتيه يا لولا منظره يصعب عالكافر

انا سمعت انك يا لولا مش ناوية تخرجي يوم الخميس الجاي الموافق 34/19/2531

ليه وراكي نذاكرة؟؟

من طرف lola الأربعاء ديسمبر 31, 2008 4:43 pm

لا ورايا غسيل
اعلن مصدر مسؤل ان عن تورط مودى مع مجموعة مجرمين حاولوا يعملوا سطو على البنك الاهلى الفرع المركزى ولكنه فشل .

من طرف **Mody** الأربعاء ديسمبر 31, 2008 4:48 pm

و ماله

ما وريناش حاجة

أهم حاجة اني طلعت سليم

بس لولا سمعت انك حولتي نشاطك لأختراق الايميلات و سرقتها

كله يخبي الميل بتاعه What a Face

من طرف lola الأربعاء ديسمبر 31, 2008 4:54 pm

ذكرت احدى الصحف الرسمية اختطاف المجرم مودى لابنه الرئيس الامريكى اوباما لابتزازه وطلب فدية قدرها 4 مليارات :evil:

من طرف **bluewild dragon** الخميس يناير 01, 2009 4:02 pm

هناك مصدر مسؤل يعلن عن تشكيل عصابه جديده
مكونه من مودى ولولا

تقوم بكل عمليات الاجرام
مثل سرقه
من التجسس

من طرف **Mody** الخميس يناير 01, 2009 4:06 pm

بشرفني ان تكون لولا هيا القطب الثاني في عصابتي

المهم انت بس يا دراجون

سمعت انك مقضيها كرتون وانيمي في البيت خصوصا ناروتو ولا ناتارو مش عارف اسمه ايه ده ومكبر لقسمك

من طرف lola الخميس يناير 01, 2009 7:02 pm

ميرسى يا مودى (يا زميل الاجرام ) Twisted Evil

انا كمان يشرفنى ان تكون شريكى فى العصابة بس دى تبقى عصابة صغيرة اوى Evil or Very Mad

احنا محتاجين مجرمين تانين معانا Twisted Evil

وسمعت كده انك بتخطط لعملية سطو جديدة خد بالك المرة دى afro

من طرف **Mody** الخميس يناير 01, 2009 7:49 pm

أولا ماتخافيش

احنا بروفيشينال مش هواة

الأجرام ده مهارة وخبرة

المهم

احنا خلاص بطلنا مواضيع السطو والسطل دي يا لولا

احنا شغلنا على كبير

يعني مثلا انا سمعت انك مجهزة خطة محكمة لا ثغرات فيها لأقتحام منزل دراجون الأزرق و تقليبه عن أخره

راجعي الخطة كويس

من طرف lola الخميس يناير 01, 2009 7:59 pm

لالالا دراجون لا يا سيدى دا محلى وانا شغلى كله عالمى انا ناوية اقتحم البيت الابيض

وبعدين انا سمعت ان مستواك الاجرامى انحدر وانك بتشتغل فى نشل الحقائب Evil or Very Mad

ما ينفعش كده

من طرف **Mody** الخميس يناير 01, 2009 8:25 pm

عيب يا لولا دانا ال LEADER

مبحبش حد ضمن فريقي يقول كده

انا سمعت سمع خير ان لولا ناوية

تنشر الغسيل

الله أكبر تحيا مصر

أخييرا يا لولا

من طرف lola الخميس يناير 01, 2009 8:28 pm

انا كمان سمعت خير اللهم اجعله خير ان مودى ناوى يغسل الاطباق
اخيرا هايعمل حاجة مفيدة

من طرف **bluewild dragon** السبت يناير 03, 2009 12:16 am

مين الاهبل لاماخذه يا مودى الى ناوى يسرق بيتى او يفكر بس

يا مودى انت بتمشى معايا بس وانت صاحبى لوخنقتنى بترجع بيتك مدغدغ
امال لو واحد جاى يسرقنى هعمل فيه ايه

ثانيا الشغل بتاعى هى اختراق المواقع الكبير ه اوى
وسرقه البنوك العاليه اوى انا اسرق مافيا
مش شنط

ثالثا سمعت خبر بيقول انه تم القاء القبض على المجرمين الفاشلين
لولا ومودى عن طريق شرطى ضرير واعرج

من طرف lola السبت يناير 03, 2009 3:07 am

لا يا دراجون انا لا اسمح بهذا الكلام مطلقا
اولا لما جت سيرتك فى الموضوع قلت لا دراجون بلاش (خوفا على الاخوة مش خوفا منك, احنا ما يهمناش )
ثانيا مين دول الى فاشلين ومسكهم شرطى ضرير واعرج ,دى استهانة بقدراتنا وانا لا اسمح بهذا
عيب يا دراجون ما تزعلنيش وانا زعلى وحش وبيجيب انفلونزا الطيور

وبعدين انت بيشاع عنك انك حرقت البنطلون وانت بتكوية (ينفع الفشل ده)