حصاوي بالياباني ..................

من طرف **Mody** الأربعاء سبتمبر 03, 2008 2:01 pm

المشهد:المواطن حسن حصاوي جالس مع اتنين من صحابه على القهوة.

حصاوي:لا حول ولا قوة الا بالله ,ربنا يجازيك يا أوساهيتو يا ابن مياؤكا.

1 : يطلع مين ده؟

حصاوي:بروفيسير ياباني في جامعة اوساكا جكاوين عمل بحث وصل فيه ان كل لغات العالم

مهددة بالأنقراض خلال المية سنة اللي جاية.

2 :كلام فارغ وليه ما يقولش ان اللغة اليابانية اللي ما حدش بيفهمها غير اليابانيين هي اللي هتنقرض؟

حصاوي:هو فعلا قال ان اللغة اليابانية طمان مهددة بالانقراض.

1 :دا لازم اليابانيين زعلوا منه جامد حد يعمل دعاية ضد اغته؟

حصاوي:بس ده عالم والعلم عندهم ما علهوش جمرك.

2 :برضه اللفظ سعد حد يقول كدع في حق بلده؟

حصاوي:هو قصده ينبه اليابانيين وغيرهم في العالم كله ,الآخصائيات بتاعته بتقول ان عدد اللغات 7000, 75%منها بتطلع في الروح.وبقيتها بتواجه مصاعب حقيقية بتزيد مع الوقت.

1 :وانت برضه بتصدق الأحصائيات والعلم والكلام ده؟

حصاوي:امال اصدق ايه يعني؟

2 :طب تقدر تقولي هيتكلموا ايه ويتفاهموا ازاي؟

حصاوي:بيقول ان الاستثناء الوحيد هو اللغة الأنجليزية اللي بيعتبروها دلوقتي لغة العولمة.

1 :اهو الأنجليزي ده بالذات مش شاطر فيه غير العيال بنوع اليومين دول عسان بيلعبوا بيه على اسمه ايه ده الأنترتت.

حصاوي:اسمه الانترنت مش تت.

1 :يعني غلطنا في البخاري يا خي؟ولا هي دي كمان كلمة عربي لازم انطقها صح؟

2 :والبروفيسير بتاعك ده قال ايه عن اللغة العربية؟

حصاوي الخبر مش مكتوب فيه تفاصيل تانية.

1 :اللغة العربية مش ممكن تنقرض دي لغتنا الجميلة اللي بيتكلمها ملايين العربيين.

حصاوي:ما فيش حاجة في العربي اسمها العربيين انت نفسك بتكلم عربي غلط

2 :يعني لازم اكلم بالنحوي طيب ملايين العربييون.

حصاوي:اسمها ملايين العرب

2 :فرقت ايه مش انت فاهمني وانا فاهمك

حصاوي يجوز انا فاهمك بس انت مش فاهمني

2 :ليه بتتكلم ياباني حضرتك؟

1 :ليه ما تقولش ان العالم كله هيكلم عربي؟

حصاوي:ايه الأمارة؟

1 :ان المستقبل للاسلام

حصاوي:لكن عدد المسلمين اللي مبيكلموش عربي اكتر من اللي بيكلموه دي احصائية معروفة

1 :برضه هيقوللي احصائية دي حاجات مضروبة بيعملها الغرب عشان هما ضدنا

حصاوي:بس اليابان مش في الغرب

2 :وانت بتجيب الكلام ده منين وهو مش مكتوب بالعربي؟

حصاوي بيترجم وينشر في جرايدنا

1 :خلاص واحنا بعد ما نسود العالم بعد مية سنة نبقى نترجملهم اللي بنقوله

2 :وليه نتعب روحنا هما اللي يترجمولنا لو كان عاجبهم

1 :وده الحاصل فيعلا من ساعة العولمة والخواجات نازلين ترجة فينا

حصاوي:ده عشان بيحاولوا يفهمونا

1&2:نأبهم على شونة مش لما نفهم نفسنا الأول هه هه...

من طرف **motcho22222** الأحد سبتمبر 14, 2008 6:29 pm

ايه يا عم حصاوى الحلاوه دى

اه سورى

ايه يا عم مودى الحلاوه دى

بس اللغه العربيه زعلانه منك

يا راجل ده كلام

على العموم ها اصالحكوا على بعض

باى موووووووووووووودى

من طرف **Hussien_Love2010** الأحد سبتمبر 28, 2008 11:49 pm

حلو جدا يامودى
ومنتظر منك الى احسن

حصاوي بالياباني .................. 16051610

حصاوي بالياباني .................. 16061610

من طرف **ROGER** الخميس أكتوبر 23, 2008 8:14 pm

بقلك إيه: إلا اللغة العربية، إنت ناسي إنه معاك شاعر في المنتدى هنا

لو عملتها مرة تانية (هحذف الموضوع بتاعك )
مع إن أنا مقدرش احذف ((يا خسارة))

فكرة جميلة يا مودي!!!!!!!!!!!، وفي انتظار المزيد!!!!!!!!!!!!!!!!!!!!