أضحك كركر ... مع شغال

من طرف **shghal** الجمعة أبريل 25, 2008 12:22 am

بسم الله الرحمن الرحيم

إزيكوا يا شباب

انا هاخش على النكت طوالي

- مرة واحد عجلاتى قعد على قهوة طلب كاوتشينو.

- حكم كرة قدم راح المطعم قال للجرسون:اديني واحد صفر.

- الزبون للبائع : هل هذه المظلة من نوع جيد ؟ البائع : نعم .. بشرط ألا تعرضها للشمس ولا للمطر !!!

- مزارع في الخامسة و العشرين من عمره ، يرغب في الزواج من فتاة في العشرين من عمرها، تملك جراراً زراعيا، الرجاء عند الرد ارفاق صورة الجرار.

- مرة 5 دخلوا كلية الهندسة اثنين طلعوا مهندسين وثلاثة مدينة نصر.

- مرة واحد فكهاني ماشي في الشارع جالو صداع موز.

- مرة واحد ميكانيكى دخل فرح نقط زيت.

- مره استاذ تربيه فنيه حب يختبر التلاميذ فقل لهم انا عيزكم ترسموا حمار غيبا فاوقف تلميذ وقال طيب لو سمحت يا استاذ اخرج بره عشان محدش يغش

- واحد قال لأبنه نابليون وهو أدك كان أول واحد في الفصل رد الواد على والده نابليون وهو أدك يا بابا كان إمبراطور

- واحد: بيقول لخطيبته انا مش غني ولا عندي مرسيدس ويخت زى محمود بس انا بحبك
خطيبته: وانا كمان بحبك لكن احكي لي اكتر عن محمود

- ظابط مرور لقى شقته ضيقه عملها إتجاه واحد

- مرة واحد بيبنى مستقبله وقع عليه

- عربجى كارو دخل فرح قال رفصنى ياجدع

- ندل عينوه مدير الأمن العام غير رقم الشرطة من 122 إلى 2594638547592565
- قمة الهدوء انك تسمع شريط فاضى وقمة الرخامة انك تقلب الشريط وقمة التناحة انك تعيد حتة عجبتك

- مرة واحدة اتجوزت من ورا ابوها .. لف وراها شافها

- مدير مدرسة عمل فرح وزع علي المعازيم ارقام جلوس

- دكتور سنان كان مصاحب شله و خلع منهم

- مرة واحد كهربائي أبوه مات دفنه في الحيطة

- واحد داسته عربية سيات مات م الضحك

- مرة واحد فك مفترس معرفش يربطه

- مره واحد بخيل اوى بعت ابنه يشترى له بعشره صاغ جبنة .. راح الواد ورجع بعد شويه
وقاله بابا البقال بيقولك تعال الحس السكينة

- مدرس رياضيات تزوج وحدة صايعة خلفوا ولد شبه منحرف

- مرة في دكتور عظام خرج في الشارع بالليل
جريت ورائه الكلاب

- موظف ارصاد جوية عنده بنتين
الصغرى 18
والكبرى 23

- مهندس كمبيوتر، حلل دمه، طلعت فصيلته HP

- مرة ميكانيكى اشترى سرير نام تحته
- عفريت دخل في صومالي مات من الجوع

- محامي رفع قضية .. وقعت عليه

-.مدرس كيمياء جاله ولد سماه سامي اكسيد الكربون

- واحد راح ينقذ واحدة من الغرق بقولها ادينى ايدك، قلتله اطلبها من بابا

- واحد خلقه ضاق اداه لأخوه الصغير

- مرة واحد نساى قوى راح يحج و بعد ما طاف قال يا ترى انا لفيت 6مرات ولا 7 وراح عايد الطواف تانى و بعدين راح يسعى و بعد ما خلص قال هو انا عملت 6 اشواط ولا 7 و بعدين بعد ما خلص حج و هو نازل من الطيارة قال يا ترى انت نسيت ايه يا جورج

- واحد دخل مطعم وطلب طبق فول، وبعدما أنتهي من آكله سأل الجرسون الحســــاب كام, فرد الجرسون 13 قرش، مد الرجل يده في جيبه وأخرج الـ 13 قرش ورماها على الارض، وتكرر المشهد 3 ايام متتالية، وفي اليوم الرابع دخل المطعم وكنش معاه فكه فاعطى الجرسون ربع جنيه وقال له واحد فول، طبعا الجرسون حب ينتقم منه فاحضر الباقي 12 قرش ورماهم على الارض وقال له خذ الباقي، فاخرج الرجل قرش من جيبه ورماه فوق الـ 12قرش وقال للجرسون وحياتك طبق فول تاني.

- واحد حانوتي فتح محل فاكهة قام كتب يافطة المـوز علينا حـق

- الزوجة : بتحب الست الذكية والا الست الجميلة؟
الزوج : ولا دي ولا دي انا بحبك انت

- طلب المدرس من التلاميذ يكتبوا موضوع تعبير عن وصف مباراة كرة قدم ، فكتب التلميذ الكسول " وصلت الى الملعب وكانت الدنيا بتمطر فألغيت المباراة".

- واحد بلدياتنتا حب يموت سمكة غرقها ف الميه

- واحد غبي حب يقتل مراته حطلها مسدس فى الأكل

- اذا كنت عايز تغرق غواصة مليانه اغبية تعمل أيه؟ تخبط على الباب

- مره واحد كتب علي الحيطه ما عرفش يطلقها

- واحد اتجوز واحده اسمها نعمه باسها وش و دهر

- مرة واحد مات وهو نايم لحد دلوقت ميعرفش انة مات

- الشحات :اديني حاجه لله يا بيه ؟

عمرك اطول من عمري كنت لسه حا قولها لك

- سكرتاريه جميله بتقول للزائر 5 دقائق و المدير يقابلك :قالها 5 دقائق بس

من طرف Nozza الأربعاء مايو 21, 2008 4:30 pm

هههههههههههههههههههههههههههههه ايه النكت الفاجرة دى

من طرف **shghal** الخميس مايو 22, 2008 11:42 pm

بيــــــــــــــــــــــس

يا معلم من بعض ماعندكم

من طرف cool السبت يونيو 07, 2008 7:09 pm

- واحد راح ينقذ واحدة من الغرق بقولها ادينى ايدك، قلتله اطلبها من بابا

- واحد خلقه ضاق اداه لأخوه الصغير

- مرة واحد نساى قوى راح يحج و بعد ما طاف قال يا ترى انا لفيت 6مرات ولا 7 وراح عايد الطواف تانى و بعدين راح يسعى و بعد ما خلص قال هو انا عملت 6 اشواط ولا 7 و بعدين بعد ما خلص حج و هو نازل من الطيارة قال يا ترى انت نسيت ايه يا جورج

حلو أوي التهييس دوة يا كنج أيوة كدة إدينا أكتر

وبالذات النكت اللي انا ختها دية عجبتني بزيادتين

من طرف **bluewild dragon** الإثنين أغسطس 18, 2008 5:17 pm

ايه ياد الحلاوة دى

أضحك كركر ... مع شغال

أضحك كركر ... مع شغال

رد: أضحك كركر ... مع شغال

رد: أضحك كركر ... مع شغال

رد: أضحك كركر ... مع شغال

رد: أضحك كركر ... مع شغال