تعرف ايه عن المنطق
4 مشترك
صفحة 1 من اصل 1
تعرف ايه عن المنطق
تعرف إيه عن.. المنطق؟
تقريبا ده واحد من أشهر المشاهد في تاريخ المسرح المصري.. ولو دققت النظر فيه شوية هتكتشف إنه مش مشهد مسرحي كوميدي وبس..
لأ سيادتك.. دهتقريبا بيعبر عن حال شعب بحاله! مش مصدقنا وحاسس إن الكلام كبير؟
طيب تعال نشوفالمشهد ونتكلم بعدها
*******
تدخل أستاذةعفت -سهير البابلي إلىداخل الفصل الذي يضم أكثر خمسة طلاب مشاغبين في المدرسة والذين يتزعمهمبهجت الأباصيري-
عادل إمام، يشاكسها الطلاب ويضيقون عليهاالخناق.. تحاول أن تسيطر على النظام داخل الفصل المعجون بمية عفاريت.. أخيرا تنجحفي
ذلك.. يجلس الطلاب في أماكنهم.. تمسك هي بالكتاب
تطلب من المشاكس الأكبر ذياللسان الطويلمرسي الزناتي- سعيد صالح أن يقف حتى يجيب عنالسؤال الصعب
تعرف إيه عنالمنطق؟
لا يحتار الزناتي كثيرا في الإجابة، ولا يرهق نفسه للحظة واحدة في التفكيرأو في ترتيب الأفكار أو حتى استدعاء أي معلومة، بسرعة
الرصاصة يرد: هو إنالواحد يقع على الأرض مايحطش... منطق
يرتج المسرح كله بالضحك، وتمتلئعيوننا بالدموع من كثرة الضحك، ويمسك أحدنا جانبه الأيمن متألما من عدم قدرته علىأن يمنع نفسه من
القهقهة بصوت عال
*******
طبعا المشهد كوميدي بالفعل.. وكل مرة الواحد بيشوفه بيضحكمن قلبه رغم إنه تقريبا حافظه وعارف كل حرف بيتقال فيه
بس تعال نعمل حاجة مع بعضممكن نسميها التفسير الماورائي للمشهد
ماتتخضش من الكلام المكلكع ده
كل ماهنالك إننا هنحاول نطلع من المشهد ده بدلالات ونتائج مختلفة عما هو ظاهر
يعنياللي ظاهر إن مرسي الزناتي دمه خفيف.. وإنه بيحاول يخرج من الموقف الصعب اللي اتحطفيه بفهلوة
لكن اللي في الباطن بقى حاجة تانية
*******
عد معانا..
مرسي الزناتي
بيحاول يفتي فيالموضوع اللي ماعندهوش عنه أي فكرة خالص
مرسي الزناتي
لا يكتفي بكونه لايعرف.. وإنما يجادل فيما يقوله وهو عارف إنه غلط أساسا
مرسي الزناتي
بيتكلمبثقة العالم، وبيقين العارف ببواطن الأمور، ويتحدث عن المنطق وكأنه أرسطو ذاته رغمأنه لا يعرف عن المنطق سوى أن الواحد من
دول بيقع فمايحطش منطق
بل إن مرسيالزناتي في المشهد التالي -الذي لم نروِه لكن الكل في الأغلب يتذكره- سيسخر منأستاذة عفت –اللي المفترض يكون عندها
المعلومة الصحيحة- ولما هيطلع على السبورةعشان يكتب ما ستمليه عليه من تعريف للمنطق
سيكتب كلمة من بطول وعرض السبورة حتىلا يكتب أي كلمات أخرى ولا يعرف المعنى الصحيح للـالمنطق، وكأنه كمان لا يكتفي بعدممعرفته
بتفاصيل الموضوع الذي يتناقش فيه مع غيره وإنما يرفض حتى أن يسمع وجهة نظرالآخر ولا يعطي لهذا الآخر فرصة في أن يصحح
المعلومات المغلوطة لديه
اللطيف بقىإن شخصية مرسي الزناتي خرجت من المسرح اللي كان بيعرض مسرحية مدرسة المشاغبين إلىمسرح أكبر بكتير هو -تقريبا-
كلمساحة جمهورية مصرالعربية
*******
في كل حتة بتروحها في مصرسيادتك تلاقي لك واحد مرسي الزناتي طالع في وشك
ودايما تلاقيه فاهم وعارف في كلحاجة
تكلمه عن مستقبل الحياة السياسية في مصر
شغّال
عن الوضع في الشرق الأوسط بعد حرب لبنان
شغّال
عن الأسباب التي جعلت فلافيو ينتفض ويجيب 3 أجوان في 5 أيام بعد ما قعد سنة كاملة مايجيبش ولا جون
برضه شغّال
يحكي لك عن أسباب نجاح محمد سعد في حصد الإيرادت
وأسباب تزايد نسبةالطلاق في مصر
أسباب تصادم القطارات في مصر
وتساقط أوراق الشجر في الخريف
وتفتح الزهور في الربيع
والسحابة السوداء
و... و... و
في كلحاجة تلاقيه واقف وفارد صدره وبيتكلم بثقة ومعرفة تجعلك تتساءل
هو ازاي الراجلده ماخدش نوبل لغاية دلوقتي؟
*******
الكارثة إنه بيتكلم في كل الحاجات دي وهو أساسا ماعندهوش خلفية عن أي حاجة خالص
بس هو بيعتمد على الصوت العاليوبس.. وتلاقيه برضه بيسخر من آرائك ويرفض أن يسمعها.. فتتنرفز إنت.. فتزعق.. فيزعق.. هوب
تقوم خناقة.. لأن مرسي الزناتي بيتكلم عن المنطق يا رجالة
صدقونا ديواحدة من أكبر المشاكل اللي بنواجهها رغم أنها قد تظهر للبعض وكأنها عاديةأو تافهة
*******
المشكلة الكبرى
أن لا أحد يقرأ أو يهتم بأن يعرف معلومات صحيحة قبل أن يتكلم في أي موضوع.. مافيش أي أساس عنده من المعرفة ومع ذلك بيتكلم ويقول
ويبعبع
بس بذمتك كده عيب تكذب- كنت كام مرة مرسي الزناتي؟
*******
كام مرة؟
دخلت في حوار ونقاش تقول فيه أحلى كلام وإنت أصلا ماتعرفش الناس بتتكلمعن إيه أساسا؟كام مرة؟
قلت رأيك في قضية علمية بحتة وأنت تنظر إلى السماء لتتأمل النجوم المتلألئة وكأنك أينشتين بعث من قبره من جديد، وأنت أصلا ماتعرفش
عن الذرّة سوىأنها كوز ذرة
كام مرة؟
تكلمت في السياسة وكأنك محمد حسنين هيكل وتناقشت في جذور القضيةالفلسطينية ومشاكلها وأنت أصلا ماتعرفش إن فلسطين محتلة من
سنة 1948
*******
احنا لا ندعو إلى أن تنخرس عن الكلام وماتحطش منطق! بل بالعكس ياريت اللي عنده حاجة يقولها... بس يقولها عن فهمومعرفة ورغبة في
أن يتقبل رأي الآخر.. مش عن جهل وعند وجرشكل
تفتكروا كلامنا ده صح فعلا
وإن مرسي الزناتي فعلا أصبح منتشر فيحياتنا
ولا كلامنا ده مالهوش أساس
ولا منطق؟
*******
عدل سابقا من قبل Mody في الثلاثاء يناير 27, 2009 7:41 pm عدل 1 مرات
Mody- المدير
- عدد الرسائل : 1533
العمر : 32
المزاج : WaitinG ......
الأوسمة :
تاريخ التسجيل : 16/08/2008
رد: تعرف ايه عن المنطق
الموضوع كبير كبير
وكبير أوي كمان
----------*-----*----------
وكلامك يا مودي كان زي الفل
وليك حق في إن مرسي الزناتي بأه كل واحد في الشارع المصري
والأهم من الفتي إن الواحد من دول بيبقى مصمم إن كلامة صح أكنه جايبه من المرجع
وإزاي يسمع كلام اللي أدامه لازم يشوشر عليه و سعات بتبقى الشوشرة بشكل مستفز
بس مش ده اللي يهمنا المهم إن دية ظاهرة موجودة
والسبب التاني برده إن الواحد أى واحد حتى الجاهل
بيخاف يقول انا مش عارف
تيجي إزاي دية ده الناس كدة ممكن تستحقره وتديلة بالشوز (( الجذمة ))
----------*---*----------
بس لو انا اتكلمت عن نفسي في الموضوع ده
فأنا مافتيش خااااااالص
في أى حاجة إلا لو اللي ادامي عارف إن إحنا بنهزر
لكن لو الكلام جد
مبقولتش غير اللي عارفه سمعته أو قريته
واللي قدامي لو قال حاجة تانية طبعا في الأول بيبقى كل واحد متمسك برأية لكن في الأخر برده الواحد بيبقى مروح وهو متمسك برأيه
لكن بعد كدة بسأل حد أكبر مني
أو أفتح النت أو الكتاب أو أو أو ... وشوف إيه الصح
.
.
...
.
.
وفي النهاية مجهودك يا موووووووودي فوق الفظيع وتستاهل يابني تبقى
مراقب عاااااااام
عن جدارة وإستحقاق
وكبير أوي كمان
----------*-----*----------
وكلامك يا مودي كان زي الفل
وليك حق في إن مرسي الزناتي بأه كل واحد في الشارع المصري
والأهم من الفتي إن الواحد من دول بيبقى مصمم إن كلامة صح أكنه جايبه من المرجع
وإزاي يسمع كلام اللي أدامه لازم يشوشر عليه و سعات بتبقى الشوشرة بشكل مستفز
بس مش ده اللي يهمنا المهم إن دية ظاهرة موجودة
والسبب التاني برده إن الواحد أى واحد حتى الجاهل
بيخاف يقول انا مش عارف
تيجي إزاي دية ده الناس كدة ممكن تستحقره وتديلة بالشوز (( الجذمة ))
----------*---*----------
بس لو انا اتكلمت عن نفسي في الموضوع ده
فأنا مافتيش خااااااالص
في أى حاجة إلا لو اللي ادامي عارف إن إحنا بنهزر
لكن لو الكلام جد
مبقولتش غير اللي عارفه سمعته أو قريته
واللي قدامي لو قال حاجة تانية طبعا في الأول بيبقى كل واحد متمسك برأية لكن في الأخر برده الواحد بيبقى مروح وهو متمسك برأيه
لكن بعد كدة بسأل حد أكبر مني
أو أفتح النت أو الكتاب أو أو أو ... وشوف إيه الصح
.
.
...
.
.
وفي النهاية مجهودك يا موووووووودي فوق الفظيع وتستاهل يابني تبقى
مراقب عاااااااام
عن جدارة وإستحقاق
تعرف ايه عن المنطق
موضوع جامد جدا يامودى
بس طويل جدا جدا جدا
بس ايه الفلسفه دى كلها يامودى
انت بقيت جامد
بعد ما بقيت مراقب عام
بس طويل جدا جدا جدا
بس ايه الفلسفه دى كلها يامودى
انت بقيت جامد
بعد ما بقيت مراقب عام
Hussien_Love2010- المشرف العام
- عدد الرسائل : 360
العمر : 32
المزاج : سعيد جدا جدا
تاريخ التسجيل : 09/09/2008
رد: تعرف ايه عن المنطق
صراحة الموضوع جميييييييييييييل جدا يا Mody، وقدرت تطرحه بشكل رائع، وفعلا موضوع مفيد، وهو ده اللي أنا كنت أتمناه، وأقصد بكده: إنه تكون المواضيع اللي في المنتدى مواضيع مفيدة وتشمل فئات المجتمع كله مش بس الشباب، وبكده أعتقد إنه المنتدى هيتشهر ويكون له شأن، لأنه اللي هيسجلوا فيه واللي هيستفيدوا منه هيكونوا كل فئات المجتمع، (وتخيل الفارق في العدد)، وممكن ندمج الفايدة بالتسلية في نفس الوقت من خلال طريقة عرض الموضوع، زي ما عمل Mody في الموضوع ده، يعني أنا أول ما شفت العنوان، أتوقعت إنه هيقول نكت وهزار، لكن على العكس طلع الموضوع مفيد جدا، بس على كده شكله Mody هيطلع فيلسوف إلى جانب مهندس ، ماتعملوله (قسم فلسفة) في المنتدى عشان ياخد راحته، ويمتعنا بمواضيعه الجميلة
ROGER- كبير الليلة
- عدد الرسائل : 325
العمر : 34
المزاج : شغال
تاريخ التسجيل : 20/10/2008
رد: تعرف ايه عن المنطق
اولا شكر لزيارتك العطرة على موضوعي المتواضع
ثانيا احب اعقب على الل انت قاته بشوية كلمات
اكيد بشكل افضل من اشكال دز علي الصباغ
عمال مستقل وكني ولا فيه فئات تانية؟؟
الله يخليك يا ROGER بيه بس لما انا ابأه فبلسوف
الناس التعبانة دي اللي زي ارسطو وسقراط وافلاطون يشتغلوا ايه
مهندسين؟
وده اهم حاجة
والله مش لازم اعمل موضوع من كلمتين وبس
وشكرا ليكوا كلكوا يا جماعة
ثانيا احب اعقب على الل انت قاته بشوية كلمات
ROGER
وقدرت تطرحه بشكل رائع،
اكيد بشكل افضل من اشكال دز علي الصباغ
وتشمل فئات المجتمع كله
عمال مستقل وكني ولا فيه فئات تانية؟؟
ماتعملوله (قسم فلسفة) في المنتدى عشان ياخد راحته،
الله يخليك يا ROGER بيه بس لما انا ابأه فبلسوف
الناس التعبانة دي اللي زي ارسطو وسقراط وافلاطون يشتغلوا ايه
مهندسين؟
shghal
واللي قدامي لو قال حاجة تانية طبعا في الأول بيبقى كل واحد متمسك برأية لكن في الأخر برده الواحد بيبقى مروح وهو متمسك برأيه
وده اهم حاجة
hussien_love2010
بس طويل جدا جدا جدا
والله مش لازم اعمل موضوع من كلمتين وبس
انت بقيت جامد
shghal
وفي النهاية مجهودك يا موووووووودي فوق الفظيع وتستاهل يابني تبقى
مراقب عاااااااام
عن جدارة وإستحقاق
وشكرا ليكوا كلكوا يا جماعة
Mody- المدير
- عدد الرسائل : 1533
العمر : 32
المزاج : WaitinG ......
الأوسمة :
تاريخ التسجيل : 16/08/2008
رد: تعرف ايه عن المنطق
يا (Mody) أنا أقصد بـ (فئات أخرى): اللي أكبر من الشباب، يعني ممكن تلاقي د/ علي الصباغ مسجل في المنتدى، بس طبعا لو
(وفرنا له المحتوى اللي هو واللي في سنه يقدروا يستفيدوا منه)
فهمت يا باشا؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!
(وفرنا له المحتوى اللي هو واللي في سنه يقدروا يستفيدوا منه)
فهمت يا باشا؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!
ROGER- كبير الليلة
- عدد الرسائل : 325
العمر : 34
المزاج : شغال
تاريخ التسجيل : 20/10/2008
رد: تعرف ايه عن المنطق
اه زي أحدث برامج الأطفال
واقوى سلاسل التخلف اللاارادي
وكتب التوهان وكيفية استغباء الناس
ولاسيما الطلبة في اعدادي شبرا
واقوى سلاسل التخلف اللاارادي
وكتب التوهان وكيفية استغباء الناس
ولاسيما الطلبة في اعدادي شبرا
Mody- المدير
- عدد الرسائل : 1533
العمر : 32
المزاج : WaitinG ......
الأوسمة :
تاريخ التسجيل : 16/08/2008
رد: تعرف ايه عن المنطق
بس أعتقد إننا لازم نوفر له كتاب بعنوان: ((سقط حجر..))
ROGER- كبير الليلة
- عدد الرسائل : 325
العمر : 34
المزاج : شغال
تاريخ التسجيل : 20/10/2008
رد: تعرف ايه عن المنطق
ده بايـــــــــن كده د / على الصباغ
مطلع عيجداوا
بس ده شئ جميل إن مافيش إلا دكتور واحد بس عندكم اللي مطلع عيجداوا
إحنا كلهم مش فاهميــــــــــن منهم حاجة إلا واحد بس عشان الصراحة
وفي بأه واحد دكتور ابن حلال بتاع الكيميا الفيزيائية
دخل
وأول كلمة يقولهلنا قبل السلااام
انا هسقتكوا السنادي
طبعا الكل خدلوا 3 ثواني يتصدم فيهم
وبعد كده المدرج كله اتقلب ضحك للركب
وهو بأه كل ثانية يشتعل ويزداد إشتعالا
مطلع عيجداوا
بس ده شئ جميل إن مافيش إلا دكتور واحد بس عندكم اللي مطلع عيجداوا
إحنا كلهم مش فاهميــــــــــن منهم حاجة إلا واحد بس عشان الصراحة
وفي بأه واحد دكتور ابن حلال بتاع الكيميا الفيزيائية
دخل
وأول كلمة يقولهلنا قبل السلااام
انا هسقتكوا السنادي
طبعا الكل خدلوا 3 ثواني يتصدم فيهم
وبعد كده المدرج كله اتقلب ضحك للركب
وهو بأه كل ثانية يشتعل ويزداد إشتعالا
رد: تعرف ايه عن المنطق
لا انت فاكر ان د. على الصباغ ده دكتور عادي
دانت طلعت على نياتك
ده رئيس القسم والمسئول عن فرقة اعدادي
وفي غيره مجانين زي بتاع الفيزيا وبتاعة الفيزيا برضه
وبتاع الميكايكا وبتاع الرسم الهندسي الليطالعلي انا بالذات في البخت
دانت طلعت على نياتك
ده رئيس القسم والمسئول عن فرقة اعدادي
وفي غيره مجانين زي بتاع الفيزيا وبتاعة الفيزيا برضه
وبتاع الميكايكا وبتاع الرسم الهندسي الليطالعلي انا بالذات في البخت
Mody- المدير
- عدد الرسائل : 1533
العمر : 32
المزاج : WaitinG ......
الأوسمة :
تاريخ التسجيل : 16/08/2008
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى