عفوا الشباب المصري غير متاح حاليا ...

استعرض الموضوع السابق استعرض الموضوع التالي اذهب الى الأسفل

عفوا الشباب المصري غير متاح حاليا ...

مُساهمة من طرف shghal في السبت أبريل 05, 2008 12:24 am


هل أنت ولامؤاخذة مثقف؟؟ study

هل فكرت وغامرت واتهورت مرة وقريت كتاب؟؟ study

بتقرا حاجة غير مجلة ميكي ؟؟ lol!

عندك مصدر بتجيب منه معلومات غير قعدة القهوة؟؟ pale

تعرف يعني إيه حزب؟؟ cyclops

هل تعلم ماهى الليبرالية والفدرالية والإشتراكية ؟؟ @

يا ترى بتدخل ع النت ليه؟؟ عشان تتثقف؟؟
affraid

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات..فكل الدراسات والأبحاث تشير إلى أن الشباب المصرى عليه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!! -يعني احنا شباب تمام..في العصر التمام-حيث تشير إحدى الدراسات إلى أن:

80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64%-لا شباب متدين صحيح-

أما في الصحافة الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس-يا حلاوة!!-..و الكارثة بجد هى وجود أكثر من 74 % من الشباب لا يعرف اسم أول رئيس للجمهورية -محمد نجيب يعني-وذكر أيضاً أن 19 % يظنون أن مصر فيها حزب واحد فقط-أكيد قصدهم على حزب النادي الأهلي-..بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%)..مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم..وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم..

طب تعالوا نشوف ازاى الشباب المصرى بيستفيد من الإنترنت:

فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!

لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!.. فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت..عشان كده بيتقدموا..

فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟



طبعاً مش لازم تبقى محمد حسنين هيكل..ولا لازم تكون فهمي هويدي-مصيبة لا تكون مش عارف دول كمان-لكن على الأقل تكون فاهم..وعارف..وداري باللي بيجرا حوليك فاهم العالم ماشي إزاي ومين عايز إيه؟؟ ومين بيعمل إيه عشان يكسب إيه؟؟وقبل كل ده تكون عارف كويس..أنت عايز إيه؟؟

لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة..ولا أي قضية..ولا عايشين لهدف..وكل اللي نعرفه في حياتنا..وكل معلوماتنا..عن الممثلين والكورة..حتى ديننا منعرفش عنه إلا الوضوء والصلاة اللي اتعلمناهم واحنا صغيرين..فحين إن العالم كل بيتقدم بسرعة جنونية..واحنا لسه محلك سر!!..يا ترى الفكرة وصلت؟؟ولا لسة؟؟
avatar
shghal
®Adminstrato™
®Adminstrato™

ذكر عدد الرسائل : 615
تاريخ التسجيل : 04/04/2008

معاينة صفحة البيانات الشخصي للعضو http://shghal.yoo7.com

الرجوع الى أعلى الصفحة اذهب الى الأسفل

رد: عفوا الشباب المصري غير متاح حاليا ...

مُساهمة من طرف Nozza في الأربعاء مايو 21, 2008 4:04 pm

اتارينى بتصل بالشباب طول الليل ويقولى غير متاح ههههههههههههههههههههههه

مشكوووووووووووووووور
avatar
Nozza
شغال V.I.P
شغال V.I.P

عدد الرسائل : 235
تاريخ التسجيل : 18/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عفوا الشباب المصري غير متاح حاليا ...

مُساهمة من طرف Mody في الخميس أغسطس 28, 2008 4:37 pm

طب لما تكون اجاباتي كلها نعم ؟
نعم الى حد ما مع عدم لامؤاخذة مثقف
نعم اتهورت كتير وقرأت كتب مش بس عربي لأ وانجليزي
نعم لني ودعت ميكي من أوله اعدادي
نعم عندي مصادر كتير للمعلومات
نعم يا عبيط امال الحروب بتحصل ليه؟
نعم واعرف بعض الدول المتبعة لهذه الأنظمة
امال يعني عشان الشات
avatar
Mody
المدير
المدير

ذكر عدد الرسائل : 1533
العمر : 26
المزاج : WaitinG ......
الأوسمة :
تاريخ التسجيل : 16/08/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عفوا الشباب المصري غير متاح حاليا ...

مُساهمة من طرف motcho22222 في الجمعة أغسطس 29, 2008 7:54 pm

ربنا يخليلك ثقافتك يا مودى يا جااااااااامد ومايحرمناش منها ابدا يا رب


تمام الموضوع ده يا شغال

وياريت تفضل تفيدنا وتفضل شغال يا شغال lol! lol! lol! lol! afro afro lol! lol!

@@@@motcho the king of romance@@@@
avatar
motcho22222
فلانتينو شغال
فلانتينو شغال

ذكر عدد الرسائل : 1037
العمر : 24
المزاج : فارس زمن الحب الجميل
تاريخ التسجيل : 23/08/2008

معاينة صفحة البيانات الشخصي للعضو http://www.shghal.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى