البنت مش زى الولد

استعرض الموضوع السابق استعرض الموضوع التالي اذهب الى الأسفل

البنت مش زى الولد

مُساهمة من طرف semsema في السبت يونيو 27, 2009 6:50 am



السلام عليكمو


عاملين ايه يا شباب وبنات الرومانسية


ده يعتبر اول موضوع ليا فى المنتدى الجميل ده


فانا حاليا قاعده لوحدى فى المنتدى وفى البيت وعلى الماسنجر


ويمكن على النت هههههههههه


فقلت اكتب الموضوع ده


عشان المشهد ده شوفته واتحكى لى


والباقى تعليقى البسيط


ويارب يعجبكم



نبدأ











لا يوجد أكثر رومانسية من هذا المشهد..
قعدة على كافيتريا على النيل في وقت الغروب.. الجو لا هوّ حر بيخنق ولا برد بيتكتك.. والسنيورة اللي بتحبها قاعدة قدامك وانعكاس ضوء الشمس الخفيف على عيونها وأسنانها وهي بتضحك مخليينك تشعر وكأنك تملك كل ثروة الوليد بن طلال -28 مليار دولار بالمناسبة!- هو الشعور اللي خلاك تقول لها أحلى كلام.. وخلاك تعمل لها من كلمة: بحبك وصفة سحرية خلتها مش متخيلة الحياة من غيرك هيكون شكلها إيه
**********

فل كده؟..
طيب والنبي يا عبد العزيز يا ابني انزل بالكاميرا "زووم إن" كده على الآخر خلينا نشوف المشهد ده هينتهي ازاي


**********

هي في سهوكة: يلاّ بقى اتأخرت.. احنا بقالنا 3 ساعات مع بعض
هو في نحنحة: يعني خلاص هتمشي.. طيب هاعيش ازاي لغاية أما أشوفك الأسبوع الجاي؟
هي: تعيش أسبوع من غيري أحسن أما ماتعش خالص لو بابا عرف إني كنت معاك
هو: مش تقولي كده من الأول يا شيخة

يلوح بيده للجرسون ثم يكمل: طيب نحاسب الأول
يلمح الجرسون قادما إليه وهو يحمل في يده الفاتورة فينظر إليها وهو يقول مبتسما في خبث: إيه يا حبيتي.. أنا باقول: نحاسب.. مش أحاسب.. أظنك عارفاني طول عمري مش مغرور فمش باحب أتكلم عن نفسي بصيغة الجمع
تنظر هي إليه في دهشة وهي تقول: إنت أكيد بتهزر.. مش إنت اللي عازمني؟
يبدأ صوته في الارتفاع دون أن ينتبه إلى أن الجرسون أصبح واقفا بجوارهما بالفعل: عازمك؟؟.. مش إنت اللي قلت لي على المكان الغالي ده.. وأنا مالي يا أختي.. وبعدين فالحة بس تكلميني عن المساواة بين الرجل والمرأة.. وكل شوية تغني لي البنت زي الولد ماهيش كمالة عدد.. وتيجي وقت الدفع وتعملي فيها الليدي ماكبث.. ده إنت ماطلعتيش كمالة عدد.. ده انت طلعتي كمالة طبق كشري!.. عموما أنا هاحاسب المرة دي عشان الفضايح بس.. وأبقى راجل معفن لو رحت معاك في أماكن نضيفة تانية زي دي
!!!!!!
**********
خلاص ياعبد العزيز كده المشهد خلص.. مش قلت لكم مافيش أكتر من كده رومانسية
طبعا لا يحتاج الواحد فيكم أن يكون حاصلا على دبلومة في الجنتلة والإتيكيت والذوق العام من جامعة هونولولو ليدرك أن اللي عمله الأخ في المشهد اللي فوق ده مالهوش علاقة بأبسط قواعد اللياقة، وإنه بسلوكه الشاذ ده أفسد علاقته مع من يحب بشكل نهائي تقريبا -إلا إذا البنت طلعت راجل بقى ودفعت معاه الحساب!- بس برضه حتى نكون أمناء البنت غلطت في حاجة أو اتنين
إيه هما؟
هنقول ده في التفاصيل اللي فيها حاجات تانية كتير مهمة للولد والبنت.. يا مسهل
**
خليك جنتل مان __ مشيها جنتل يا عم


خلينا نبدأ ( بالجنس الخشن )

أولا.. شوف يا سيد.. هو صحيح عم صلاح جاهين الله يرحمه قال على لسان سعاد حسني الله يرحمها برضه إن: البنت زي الولد ماهيش كمالة عدد.. بس ده مش في كل حاجة طبعا.. يعني جو المساواة والفيفتي فيفتي.. النص بالنص يعني للي مايعرفوش لغات.. ده ممكن يمشي ويقول مع واحد صاحبك.. مع زميلك في الشغل.. مع أخوك.. وممكن يمشي كمان مع واحدة زميلتك في الشغل.. بس ماينفعش وماتجيش خالص إنه يطبق برضه مع خطيبتك أو البنت اللي بتحبها.. يعني خليك جنتل مان
"BE A GENTELE MAN"
للجماعة اللي بيدرسوا في مدارس لغات!.. وياريت تقول لي من فضلك لو مابقتش كده مع البنت اللي بتحبها هتبقى كده مع مين؟
ولاحظ إن سلوكك ده، يعني لو كنت إنسان لطيف وبتاخد بالك من الحاجات دي وبتحاسب على العزومة اللي إنت عازم عليها البنت، هي هتشعر إنك بتحبها فعلا وبتخاف عليها بجد وبتعاملها بشكل مختلف وله خصوصية، أما لو ده ماحصلش فالبنت هتشعر بإنها بالنسبة لك زيها زي عمك "توكل" اللي بتشتري منه الشيكولاتة.. بترتاح معاه آه وتتكلم معاه أحيانا وبتبقى مبسوط وإنت معاه بس في العادي يعني.. هتشعر إنك مش بتحبها وإنها زيها زي أي حد إنت تعرفه.. وكده يبقى باظ الموضوع يا أستاذ
وبعدين لاحظ -الكلام هنا رجولي بحت بس مافيش مشاكل البنات تقراه ممكن يطلعوا برضه بحاجة كده ولا كده- إن العلاقة اللي بتجمع بينك وبينها مش المفروض إنها تكون محسوبة بالورقة والقلم فتقول لنفسك مثلا إنك عزمتها النهاردة على عزومة بخمسين جنيه يبقى هي الأسبوع الجاي لازم تجيب لك هدية بنفس تمن العزومة! ماتتحسبش كده.. المفروض تتحسب بكم الفرحة والشعور بالبهجة والرضا وإنت معاها سواء بقى إنت دفعت أغلب الوقت وسواء برضه هي جابت لك هدية كل فترة أو ماجابتش.. بس الأكيد إنه حتما ولابد هتيجيب لك هدية في يوم.. وصدقنا شعورك إنت بالهدية هيكون مختلف جدا وحلو جدا.. ولو رجعت للأول هتكتشف إن السبب في ده هو شعور البنت في الأول إنها بتحب واحد بيحبها -اللي هو حضرتك- واحد مش بخيل وبيحب يسعدها على قدر استطاعته.. في الوقت اللي بيتحول فيه الكلام ده جوه البنت من شعور إلى يقين بتبقى الحياة وردي جدا ليك وليها... والسبب في كل ده إيه؟ بالظبط.. إنك طلعت جنتل مان.. شفت بقى العملية سهلة وبسيطة ازاي؟
**********

ماتعملّيش فيها راجل
بالنسبة للجنس اللطيف بقى خلينا نعترف إن فيه جزء كبير من البنات -أو هكذا نتمنى!- بيشعروا بحرج شديد لما تخرج الواحدة منهم مع خطيبها في خروجة حلوة ويعزمها على العشاء مثلا في مطعم فخم.. ممكن ييجي ليها شعور بالذنب وتشعر إنها بتحطه في موقف مالي أصعب من الموقف المالي للحكومة الانفصالية في مدغشقر
ووالله دي مشاعر حلوة وطيبة.. وتبقى البنت بنت حلال بجد لو كان قلبها على جيب خطيبها زوج المستقبل.. بس برضه المفروض الأمر مايتحولش لـ"فوبيا" أو خوف مرضي على جيب الحبيب
يعني خوفك عليه وحرصك على فلوسه مايخليكيش تعملي فيها سبع البرمبة..إيه البرمبة دي بالمناسبة؟.. مش مهم عديها المرادى00المهم تعملي فيها راجل.. الأمر اللي يخليكِ تحلفي يمين طلاق وإنت قاعدة معاه في المطعم إنك هتقسمي الحساب معاه.. كده غلط خالص.. ليه بقى؟.. أهو ده السؤال المتين.. ركزوا معايا
:
لو عملت ده وصممتِ إن العلاقة بينك وبين من تحبين تمشي أمريكاني، النص بالنص يعني، صدقينا ده مش هيخليه مبسوط.. لأن الرجل بيكون في حاجة دائمة للشعور بأنه رجل.. طبعا الرجولة مش دفع فلوس.. ولا هز أكتاف زي ما قال اللمبي!.. بس لما الرجل هو اللي بيكون عازمك على عزومة وهو اللي يدفع بيشعر من جواه بفرحة وانبساط شديدين، أولا لأنه معاك، وثانيا لأنه بيشعر إنك مسئولة منه، وثالثا لأنه بيشوف الفرحة في عيجدا لما تكون معاه
وعموما لو حبيتِ تشاركيه.. فيه طرق تانية كتير ممكن تعمليها من غير ما تحسسيه بإنك بتدفعي معاه الفلوس عشان هو شحات ومش لاقي ياكل
إيه الطرق دي
شوفي يا سيدتي.. إليك المقادير
واحد
ممكن تدفعي إنت مثلا فلوس التاكسي -لو رقاكي يعني وركبك تاكسي!- أو إنك تدفعي أجرة الميكروباص اللي هيوديكم للمطعم.. أما بقى لو أصر إنه يوديك بأتوبيس نقل عام فسيبك منه خالص!.. بنهزر طبعا
حتى يا ستي لو رحت معاه في أتوبيس والجو كان خنقة وزحمة موت اوعي تظهري له قرفك وزهقك.. وحاولي دايما إنك تظهري له فرحتك لمجرد إنك معاه في أي مكان حتى ولو كان في أتوبيس نقل عام

اتنين
وده اقتراح لطيف جدا... ممكن بعد العزومة الحلوة دي اللي دفع فيها هو دم قلبه وبقى ع الحديدة! إنك تشتري له هدية بعدها بفترة –لا طويلة عشان مايبقاش لها معنى ولا قصيرة عشان ماتظهرش وكأنها رد للدين- والهدايا كتير.. كرافت.. -أخ.. بيلبس جلابية على طول.. مايضرش هيبقى شكلها جنان على الجلابية برضه!- ممكن تجيبي كوفية صوف لو كنا في الشتاء.. أو محفظة من الجلد طبيعي.. أو ميدالية فضة.. أو البارفان اللي بيحبه.. ولو كنت مزنوقة ماديا والحالة كرب.. ماتشغليش بالك يا ستي.. 3 شرابات من الشباب الحلوين الموجودين في كل رصيف في مصر هتقضي الغرض.. والتلاتة بعشرة جنيه! القصد أن أبسط الأشياء أجملها

تلاتة
فيه حاجة كمان لازم سيادتك تاخدي بالك منها.. إنه مثلا لو الولد طلع كريم قوي وإنه بعد ما استلف من باباه أربعين جنيه ميل على والدته واستلف منها أربعين جنيه زيهم -عشان فيه كتاب نزل الجامعة ولازم أشتريه ضروري!- وعزمك بقى في مطعم فخيم من اللي بيطلعوا في التليفزيون.. مش لازم إنت كمان تعملي فيها "يسرا" وتطلبي أغلى ما في قائمة المطعم! خليك في الهادي.. في المتوسط اللذيذ.. كده يبقى قضيتم يوم حلو في مكان شيك وفي نفس الوقت هو هيحس إنك خايفة عليه وعلى فلوسه

أربعة
وبرضه لو والده طلع ناصح ولم يعطِه سوى عشرة جنيه بس، ولو والدته فشلت أن تدبر له فلوس إضافية، واضطر لظروف مادية بحتة أن يعزمك على عربية فول عم "شكشكوك" الشهيرة، بلاش تظهري تأففك وضيقك من المكان اللي عازمك فيه.. واشكريه على الخروجة الحلوة.. وافتكري إنها فعلا ممكن بجد وبصدق تكون حلوة لو كنت من جواكِ راضية بيه وبتحبيه بجد، وإذا كان كل اللي يهمك إنك تكون جانبه ومعاه بس مش أكتر.
**********
جربوا كده -ولاد وبنات- الوصفات دي اللي أساسها البساطة وعدم الفذلكة.. وقيام كل واحد منكم بدوره وبس مش أكتر.. يعني الولد ولد والبنت بنت
حطوا الكلام ده حلقة في ودانكم.. لأنه كلام مش بتاعتنا احنا بس.. ده كلام قالته لينا الجدات.. افهموه وطبقوه وعمّروا بيه البيوت
**********



ويارب مكنتش طولت كتير عليكو يا احلى اعضاء




لكم منى مودتى
avatar
semsema
واحد من الشباب

انثى عدد الرسائل : 108
العمر : 25
المزاج : رايقة جدااااااااااااااااا
تاريخ التسجيل : 25/06/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: البنت مش زى الولد

مُساهمة من طرف MOONLIGHT89 في السبت يونيو 27, 2009 11:37 pm

هههههههههههههههههههههههههههههههههه


حلو التوبيك ده يا "سمسمة" روووووووووووووعة


ما تخافيش هاحطها حلقة في وداني .... هو انتي مصاحبة جدتي و لا حاجة ؟؟؟؟


تسلم اديكي و منتظرين المزيد و المزيد منك
avatar
MOONLIGHT89
شعال سوبر
شعال سوبر

انثى عدد الرسائل : 727
العمر : 27
المزاج : الحمد لله
الأوسمة :
تاريخ التسجيل : 05/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: البنت مش زى الولد

مُساهمة من طرف semsema في الأحد يونيو 28, 2009 10:45 pm

MOONLIGHT89 كتب:
هههههههههههههههههههههههههههههههههه


حلو التوبيك ده يا "سمسمة" روووووووووووووعة


ما تخافيش هاحطها حلقة في وداني .... هو انتي مصاحبة جدتي و لا حاجة ؟؟؟؟


تسلم اديكي و منتظرين المزيد و المزيد منك



ربنا يخليكى ليا يا مون


انتى للى نصرتينى فى المنتدى ده


ليا يومين مستنية حد يرد ولا حد عبر



ونعم الشغالين



هههههههه يا ستى اصلى قعده معها ساعتين


حصلت لى بلاوى


وجيت كتبت لكم الموضوع للى محدش عبره غيرك



تسلم ايدك على المرور



ونورتى



بعمل فيكى رد كبير عشان املئ الموضوع مش لقيه حد اقوله كلام هههههههه


ثانكس ^^
refusal
avatar
semsema
واحد من الشباب

انثى عدد الرسائل : 108
العمر : 25
المزاج : رايقة جدااااااااااااااااا
تاريخ التسجيل : 25/06/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: البنت مش زى الولد

مُساهمة من طرف motcho22222 في الثلاثاء يونيو 30, 2009 12:44 pm


ههههههههههههههههههه

جامد يا سمسمه

بس تصدقى بالله انتى وساكورا اديتونى امل ان لسه فيه حاجه اسمها رومانتك فيو

ايا كانت المواضيع

بس على الاقل حد بيحاول

شكرا ليكى يا سمسمه ونورتى رومانتك فيو زى ما نورتينا فى المنتدى كله

***motcho***

_________________




would you safe my soul tonight

****motcho****
[/center]
avatar
motcho22222
فلانتينو شغال
فلانتينو شغال

ذكر عدد الرسائل : 1037
العمر : 24
المزاج : فارس زمن الحب الجميل
تاريخ التسجيل : 23/08/2008

معاينة صفحة البيانات الشخصي للعضو http://www.shghal.yoo7.com

الرجوع الى أعلى الصفحة اذهب الى الأسفل

رد: البنت مش زى الولد

مُساهمة من طرف semsema في الثلاثاء يونيو 30, 2009 4:57 pm

motcho22222 كتب:


ههههههههههههههههههه



جامد يا سمسمه



بس تصدقى بالله انتى وساكورا اديتونى امل ان لسه فيه حاجه اسمها رومانتك فيو



ايا كانت المواضيع



بس على الاقل حد بيحاول



شكرا ليكى يا سمسمه ونورتى رومانتك فيو زى ما نورتينا فى المنتدى كله



***motcho***



ربنا يخليك يا موتشو


على مرورك الجميل ده


ورمانتك فيو منور باصحابه زى ما المنتدى منور بيهم


ويارب اشوف ردك على طول


ثانكس^^
avatar
semsema
واحد من الشباب

انثى عدد الرسائل : 108
العمر : 25
المزاج : رايقة جدااااااااااااااااا
تاريخ التسجيل : 25/06/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى